Këshilli i Lartë i Prokurorisë miratoi kandidatët për dy vende në Prokurorinë e Posaçme. Këshilli ka 4 pretendentë, Dritan Prençin, Vladimir Marën, Sotir Kllapin dhe Dorina Bejkon.
KLP do ta vazhdojë punën me vlerësimin e tyre, deri në pikëzim, duke përzgjedhur dy anëtarët të tjerë që do jenë pjesë e SPAK.
Prokurorët Prençi e Mara janë aktualisht të komanduar në Prokurorinë e Posaçme me një afat 1-vjeçar.
Ndërkohë kandidati Sotir Kllapi është drejtues i Prokurorisë së Pogradecit, dhe ka kaluar Vettingun me vendim të formës së prerë.
Prokurorja Dorina Bejko, e ushtron detyrën në Prokurorinë e Pogradecit, dhe ka shprehur edhe më herët interes për të qenë pjesë e SPAK.
