Ministri Blendi Klosi dhe ish-deputeti i PD-së Edmond Spaho mbrëmjen e sotme ishin të ftuar në emisionin “Dritare me Rudinën” në News 24 dhe janë përplasur ashpër me njëri-tjetrin. Teksa flisnin për zgjedhjet dhe akuzonin njëri-tjetrin për blerjen e votave, Klosi i ka kujtuar Spahos 21 janarin, duke e akuzuar se qeveria e PD-së e asaj kohe vrau 4 protestues në bulevard.
Debati në emisionin “Dritare me Rudinën” në News 24:
Klosi: Hyni në zgjedhje më 2021 dhe fitoni. Shumë e lehtë.
Spaho: Po jeni pakicë. Ju vetëm vidhni votat.
Klosi: Na vratë 4 protestues.
Spaho: I vratë ju.
Klosi: Ju doni që të shkoni në plazh dhe të fitoni. Të vijë një forcë politike që ia vlen.
Spaho: Ishin votime, zgjedhje moniste.
Klosi: Ne hymë dhe fituam 60 bashki, po do i marrim normalisht.
Spaho: Ju keni vjedhur vota dhe këtë herë dolën që bënit presion mbi administratën, presione dhe vjedhje votash.
