Këshilli i Lartë Gjyqësor nis të shqyrtojë shkresën e Presidentit të Republikës lidhur me përfundimin e detyrës së Ardian Dvoranit si gjyqtar i Gjykatës së Lartë.
Anëtarja Marcela Shehu tha se Dvoranit i ka përfunduar detyrimi për të pritur pasardhësin.
Sipas saj, qëndrimi në detyrë mbi afate cenon parimet Kushtetuese.
Mendim pro përfundimit të detyrës së Dvoranit ka shfaqur anëtari Alban Toro, sipas të cilit Këshilli duhet të konstatojë përfundimin e detyrimit të Dvoranit për të qëndruar në Gjykatën e Lartë.
Ndërsa anëtarja Brikena Ukperaj deklaroi në mbledhje se detyrimi i Dvoranit për të mbajtur detyrën e gjyqtarit të Lartë nuk ka mbaruar, por mbaron në momentin e zgjedhjes së anëtarit të katërt që vjen nga radhët e juristëve të spikatur.
Anëtarja e Këshillit, Brunilda Kadi, deklaroi në mbledhje se Dvoranit i ka përfunduar detyrimi për të qëndruar në Gjykatën e Lartë, shkruan “A2”.
Anëtari Erjon Muharremaj vlerësoi se në kushtet kur janë emëruar 3 gjyqtarë, mendon se Dvorani e ka përmbushur detyrimin e tij për të qëndruar në detyrë. Sipas tij, KLGj duhet t’i ofrojë mundësi për një pozicion në Apel.
