Ilir Panda, Ervin Pupe dhe Sokol Sadushi kanë kaluar Vetting-un e Këshillit të Lartë Gjyqësor, dhe sot pritet pikëzimi i tyre për emërim në Gjykatën e Lartë.
Vlerësimi i pikëzimit të këtyre kandidatëve, do të relatohet nga anëtarët e KLGJ: Alban Toro, Marçela Shehu, Ilir Toska dhe Dritan Hallunaj.
Pas pikëzimit të secilit kandidat, do të bëhet edhe renditja në listë. Ndërkohë që kandidati i renditur i pari, do t’i dërgohet Presidentit të Republikës për dekretim.
Në mbledhjen e sotme u vendos:
1- “Për verifikimin e kushteve dhe kritereve ligjore, për emërimin si gjyqtar pranë Gjykatës së Lartë të kandidatit z. Ervin Pupe”, relatore Marçela Shehu.
2- “Për verifikimin e kushteve dhe kritereve ligjore, për emërimin si gjyqtar pranë Gjykatës së Lartë të kandidatit z. Ilir Panda”, relator Alban Toro;
3-“Për verifikimin e kushteve dhe kritereve ligjore, për emërimin si gjyqtar pranë Gjykatës së Lartë të kandidatit z. Sokol Sadushi”, relator Dritan Hallunaj.
Alban Toro.
4- ”Për verifikimin e kushteve dhe kritereve ligjore, për emërimin e gjyqtarëve pranë Gjykatës së Lartë”, relator Ilir Toska (për 3 vendet vakante).
Ditën e djeshme, KLGJ kualifikikoi si kandidatë nga radhët jashtë sistemit gjyqësor, për 3 vendet vakante të Gjykatës së Lartë: Ervin Pupe, (Drejtues i Dhomës së Avokatisë), Ilir Pandën- (Ministër i Drejtësisë në vitet 1999-2000, dhe nënkryetar i Këshillit të Lartë të Drejtësisë në vitet 2003-2007) dhe Sokol Sadushin (Drejtor i Shkollës së Magjistraturës).
