Kina po përparon ndjeshëm si superfuqi ekonomike ndërkohë kancelarja gjermane Angela Merkel, ka reaguar së fundmi lidhur me këtë çështje.
Ajo e cilëson ngjitjen e Kinës si superfuqi ekonomike një sfidë për demokracitë liberale në botë.
“Provën për superioritetin e tij, sistemi liberal nuk ka mundur ta sjellë. Kjo më shqetëson”, është shprehur Merkel në një intervistë me gazetën gjermane “Süddeutsche Zeitung”.
“Europa duhet të jetë vetë shembull. Nëse Europa do të dëgjohet, duhet të japë vetë një shembull të mirë”, theksoi Merkel.
“Në këtë kohë duhet të ecim përpara në marrëdhënien e BE-së me Kinën. Duhet të bisedohet për bashkëpunimin, mbrojtjen e klimës dhe për politikën e zhvillimit në Afrikë, ku Kina ndjek pjesërisht rrugë të tjera”, vijoi kancelarja.
