Policia Rrugore ka vijuar me kontrollet në aksin Sauk-Teg, ku edhe kanë vëzhguar me radar për të parandaluar aksidentet rrugore.
Referuar edhe aksioneve të ndërmarra më herët, mbrëmjen e djeshme për tre orë nuk u evidentua asnjë shpejtësi mbi 100 km/h, duke bërë që të mos hiqet asnjë leje drejtimi.
Policia e cilëson si një mrekulli, ndërsa paralajmëron se do vijojmë pa asnjë ndërprerje, me të gjitha mjetet logjistike dhe kapacitetet në burime njerëzore në të gjithë vendin, që ky vit të mbyllet me prioritet të realizuar.
Njoftimi
Live : Në aksin Sauk-Teg.
Me Policinë Rrugore, me radar për të parandaluar aksidentet rrugore që shkaktohen si pasojë e shpejtësisë tej normave të lejuara
Për tre orë asnjë shpejtësi mbi 100 km/h, por janë evidentuar shpejtësi nga 93-98 km/h në këtë aks që më parë ishte vërtet problematik përsa i përket ngjarjeve rrugore, por monitorimi i pandërprerë me radar e Patrulla të Policisë Rrugore ka parandaluar në maksimum aksidentet në këtë rrugë.
Vërtet nuk u tërhoq asnjë leje drejtimi, por s’ka më mirë.
Sepse qëllimi jonë s’është të reklamojmë sa patenta heqim, qëllimi është të sensibilizojmë, për të parandaluar aksidentet rrugore.
E kjo është mrekulli, pasi ndryshe nga mbrëmë ku dhe në fokusin e kamerës së një televizioni u evidentuan shpejtësi deri në 175 km/h, shpejtësi gati vrastare, sonte asnjë e tillë.
Do vijojmë përditë e përnatë, pa asnjë ndërprerje, me të gjitha mjetet logjistike dhe kapacitetet në burime njerëzore që Policia Rrugore ka në dispozicion në të gjithë vendin, që viti 2020 të mbyllet me prioritet të realizuar, “VITI I SIGURISË RRUGORE.”
