Ish-deputeti i PD-së, Enkeled Alibeaj ka komentuar situatën e krijuar sot në ambientet e Teatrit Kombëtar, ku policia filloi të nxirrte orenditë për të vazhduar me procesin e shembjes së godinës.
I ftuar në rubrikën “Opinion” në News24, Alibeaj u shpreh se 30 qershori nuk i afrohet situatës me të cilën po përballet Teatri dhe artistët që janë kundër shembjes së tij. Sipas tij, shembja e godinës së Teatrit nuk është zgjidhja e vetme pasi shumë mirë një tjetër i ri mund të ndërtohet diku tjetër.
“Edhe me gaz mund të shkojë natën, edhe minat mund t’ia vendosë edhe zjarrin. E ka treguar në shumë episode. Se vetëm mjete të mizorisë mund të përdorë pushtetin, por sot ajo që po ndodh te teatri është shumë më tepër seç ka ndodhur më 30 qershor.
Artistë qytetarë, që nuk kanë lidhje me partitë, tregon shenjën e shoqërisë ndaj regjimeve, kjo është lufta. Në fund ndodhin të tilla gjëra. Sot ky regjim ka arritur fundin. Pse duhet shembur ajo godinë e vogël me histori të madhe. Ka mundësi pafund për të ndërtuar në vend të tjera teatro me shumë kushte për artistët.
Është një vend kulti për artistët e aktorët por edhe për shoqërinë shqiptare. Memoria e qytetit, e cila nuk blihet me para”, tha Alibeaj.
