Dy shqiptarë të kërkuar nga Italia për ‘trafik droge’ janë vënë në pranga. Indrit Karafili dhe Julian Hoxha po ktheheshin në Shqipëri me dokumente false, ndërsa u identifikuan nga shenjat e gishtërinjve.
Dy të rinjtë u gjetën në zonën pyjore në Saleto. Shtetasit shqiptarë kanë qenë aktivë në importin e sasive të mëdha të lëndëve narkotike në Shqipëri, të cilën më pas ua shisnin organizatave që vepronin në Siçili. Banda ishte e përbërë nga shqiptarë dhe kolumbianë, ndërsa janë sekuestruar në total 365 kilogramë marijuanë e kokainë.
Në përgjimet e tyre është përmendur edhe emri i të shumë kërkuarit Moisi Habilaj, i cili është shpallur në kërkim nga drejtësia italiane, që nga dita që u arratis në fillim të këtij viti. Moisi Habilaj, shqiptari i dënuar me 15 vite burg dhe në kërkim për trafik droge është rikthyer sërish në vëmendjen e mediave italiane.
Biseda zhvillohet më datë 9 prill të vitit 2019, brenda një “BMW X3”, që lëviz në rrugët e Katanias, ku diskuton dhe një i ri 26 vjeç nga Katania. Ata nxjerrin në pah miqësinë e veçantë që ka nisur Moisi Habilaj me Natalino Nizza (djali i një bossi droge) në burgun e Bicoça. Kjo miqësi, siç shkruan dhe media italiane, i ka hapur rrugën trafikimit të lëndëve narkotike nga Hoxha dhe Karafili.