Dy gra janë vënë në pranga, pasi kishin fshehur kokainën në paruket e tyre. Kjo metodë e re, për fat të keq nuk ka rezultuar efektive. Kapsulat janë zbuluar gjatë kontrollit me rrezen X. Dy gratë të cilat kishin fshehur kokainën në paruket e tyre dhe pjesë të tjera të trupit ranë në pranga, pas kontrollit të policisë në aeroporte të ndryshme të Kolumbisë.
Të dyja gratë do të udhëtonin për në Spanjë, megjithëse u zbuluan në aeroporte të ndryshme. Arrestimi i parë u bë në aeroportin e Calit. Pasi kishte parë policinë, gruaja ishte nervozuar dhe menjëherë ishte dërguar në një dhomë me rreze X. Aty u zbulua se ajo mbante një paruke ku kishte fshehur kokainë.
Pas një kontrolli të imtësishëm iu gjetën kokainë edhe në pjesë të tjera intime të trupit. Arrestimi i dytë u bë në aeroportin José María Córdova, ku efektivët e policisë kapën një grua tjetër që e kishte fshehur lëndën narkotike në po të njëjtën mënyrë.
Në të dyja rastet, autoritetet sekuestruan 1950 gram kokainë. Gratë do të duhet të përgjigjen para organeve të drejtësisë për drogën e gjetur në trupin e tyre.
