Ish-ministri teknik i Shëndetësisë, njëkohësisht një nga kirurgët më ë mirë në vend për sëmundjet e brendshme, Arben Beqiri ka hedhur në gjyq Ministrinë e Shëndetësisë dhe rektorin e Universitetit të Mjekësisë, profesor Arben Gjata.
Sipas Beqirit, Ministria e Shëndetësisë ka shkelur në mënyrë flagrante ligjin duke i dhënë rektorit të Universitetit të Mjekësisë edhe një post të dytë, drejtimin e shërbimit të kirurgjisë në QSUT një pozicion kyç që kërkon angazhim me kohë të plotë.
Në gjykatë është paraqitur vetëm doktor Arben Beqiri, ndërsa i padituri Gjata është përfaqësuar nga avokati i tij.
“Jam këtu si qytetar dhe kërkoj mbrojtjen e ligjit, aspak për interesat e mia personale. Do t’i shkoj çështjes deri në fund, këtu ka një konflikt të pastër interesi. Kjo është vënë re nga i gjithë stafi akademik”,- tha Beqiri për News 24.
