Politika e Kinës për dyer të hapura ndaj kompanive të teknologjisë po e transformon me shpejtësi shoqërinë kineze në një mjedis konsumator të stilit perëndimor, gjithnjë të etur për pajisje të reja. Vëmendjen e vizitorëve të këtij viti në Panairin për Konsumatorët e Elektronikës në Shanghai, e mbizotëruan robotët.
“Kompanitë kineze vazhdojnë të rriten dhe të bëhen më të rëndësishme. Po krijojnë partneritete me kompani perëndimore për të avancuar teknologjinë e tyre. Kështu që shohim teknologjinë të avancojë me shpejtësi”, thotë drejtori i panairit “CES Asia”, John Kelly.
Dronët janë një tjetër aspekt që së shpejti mund të bëhet pjesë e jetës së përditshme në Kinë. Ky dron mund të fluturojë me shpejtësi deri në 50 km në orë, të bëjë dërgesa të thjeshta ose të monitorojë hapësira të mbyllura dhe të hapura.
Realiteti virtual është një tjetër teknologji që po fiton terren, megjithëse ka ende shumë punë për t’u përmirësuar.
Ndërsa rritet oreksi i konsumatorëve kinezë për pajisje elektronike, gjithnjë e më shumë shpikës po konkurrojnë për të krijuar diçka të veçantë, qofshin motora me bateri, robotë me shumë këmbë, apo kamera nënujore të telekomanduara.
