Pekini ka ndezur me sukses reaktorin e shkrirjes bërthamore të emërtuar ‘dielli artificial’, për herë të parë. Ai është projektuar të jetë një burim i pastër energjie, i ngjashëm me Diellin e vërtetë.
Reaktori HL-2M Tokamak është pajisja më e madhe dhe më e përparuar e Kinës për hulumtimin eksperimental të shkrirjes bërthamore.
Ai është e vendosur në provincën jugperëndimore të Sichuan dhe u përfundua në fund të vitit të kaluar. Reaktori shpesh quhet një ‘diell artificial’ për shkak të nxehtësisë dhe fuqisë së madhe që prodhon, shkruan ”The Independent”.
Shkencëtarët kinezë kanë punuar që prej vitit 2006 në eksperimente të dizajnuara për të hedhur bazat për gjenerimin e ardhshëm të energjisë në shkallë të gjerë.
Sipas informacioneve shtetërore, reaktori i ri do të sigurojë gjithashtu mbështetje teknike për Reaktorin Ndërkombëtar Thermonuklear Eksperimental (ITER), reaktori më i madh në botë, i cili po ndërtohet në Marsejë, Francë.
