Një nga epiqendrat e koronavirusit, provinca Hubei ka ndaluar rreptësisht të gjitha martesat deri në një njoftim të dytë. Shkak mësohet të jetë përhapja në shkallë të gjerë e virusit misterioz kinez.
Që pas datës 3 shkurt, asnjë martesë nuk do të zhvillohet në provincë, pasi autoritetet i tremben grumbullimeve masive të njerëzve. Mund të kthehen në vatra të përhapjes së infeksionit me shpejtësi.
Ndërsa, Wuhan ka përcaktuar rregulla edhe më të forta që pas vendosjes së karantinës. Tashmë, në rrethinat e Wuhan vetëm një anëtarë për familje lejohet të dalë jashtë shtëpisë për furnizime ushqimore.
