Kina nuk do të lejojë vizitorët e huaj të hyjnë në vend, në rast se nuk janë vaksinuar me një vaksinë të prodhuar nga kinezët. Njoftimi u bë pasi Kina rifilloi përpunimin e vizave për të huajt nga një mori vendesh, shkruan Metro.
Kina ka përjashtuar në mënyrë të qartë udhëtarët që kanë bërë dhe aprovuar vaksina jashtë vendit, madje edhe ata të aprovuar nga Organizata Botërore e Shëndetësisë.
Në një konferencë për shtyp, Zhao Lijian, zëdhënësi i ministrisë së punëve të jashtme, mohoi që rregulli të jetë krijuar për të shtyrë vendet e tjera të njohin vaksinat e Kinës.
‘Propozimi ynë është bërë pasi të kemi shqyrtuar plotësisht sigurinë dhe efikasitetin e vaksinave kineze. Kjo është një marrëveshje e bërë nga pala kineze në mënyrë të njëanshme. Është një gjë ndryshe nga njohja e vaksinave.”, tha ai.
Ministria e Punëve të Jashtme të Kinës ka mohuar që përcaktimi për udhëtarët e huaj është t’i japin vaksinës së Kinës një besueshmëri më të madhe.
Rifillimi i udhëtimeve shihet si një pjesë kryesore e rimëkëmbjes ekonomike të Kinës, ndërsa vendet negociojnë kushtet për hyrje.
