Aksident i rëndë në Tiranë, 2 ambulanca në vendngjarje (Video)

Një aksident është regjistruar mbrëmjen e sotme në kryeqytet. Nga pamjet e siguruara nga ”Tirana Today”, shikohet se te zona pranë qendrës tregtare ETC, ku ka ndodhur dhe aksidenti, janë dy ambulanca, çka të bën të mendosh se aksidenti ka qenë i rëndë.

Nuk bëhet e ditur se sa mjete janë përfshirë në këtë aksident, por vërehet se ka një prani të madhe të forcave të policisë.

Ende nuk ka një njoftim zyrtar nga policia në lidhje me këtë ngjarje.

Vendosja e orës policore prej orës 20:00 për shkak të pandemisë së koronavirusit, shkakton kaos në kryeqytet, pasi shumë qytetarë udhëtojnë me automjet për të shkuar në shtëpi, dhe shpeshherë shkaktohen edhe aksidente prej dyndjes së madhe.