Presidenti kinez Xi Jinping ka ritheksuar kundërshtimin e Pekinit ndaj sanksioneve të tilla si ato të vendosura nga vendet perëndimore ndaj Rusisë.
Duke iu drejtuar një forumi ekonomik rajonal, Xi tha se taktikat e presionit ekstrem dhe ndërprerjes së furnizimeve nuk do të funksiononin.
Ai dënoi ato që ai i quajti “mentalitetet e luftës së ftohtë”, unilateralizmin dhe hegjemonizmin – terma që Kina përdor shpesh për të kritikuar politikat e Shteteve të Bashkuara.
Në të kundërt, Pekini ka refuzuar të dënojë pushtimin rus të Ukrainës dhe është zotuar të vazhdojë marrëdhëniet normale tregtare me atë që e përshkruan si partnerin e tij gjithëpërfshirës strategjik.
Burimi i lajmit: BBC. Përshtatur nga Tirana Today
