Koronavirusi deri më tani ka shkaktuar 1669 viktima. Ndërsa në të gjithë botën deri më tani janë konfirmuar si të infektuar 69 mijë e 256 persona. Por një lajm i mirë vjen nga Kina, ku ka njoftuar se për të tretën ditë rresht ka një rënie të rasteve të reja me koronavirusin e ri. Këtë të diel, autoritetet kanë raportuar 2.009 raste dhe vdekjen e 142 personave në rang global.
Mediat shkruajnë se masat që mori shteti kinez për të parandaluar përhapjen e koronavirusit, po fillojnë të kenë impakt. Në Shqipëri asnjë person nuk është diagnostikuar me koronavirus.
Pak ditë më parë, ministrja e Shëndetësisë, Ogerta Manastirliu u shpreh se janë marrë masa të plota kundër gripit sezonal dhe kundër koronavirusit. Po ashtu ajo theksoi se janë gati dhomat e izolimit, nëse do kemi raste të të prekurve nga vurisi vdekjeprurës në Shqipëri.
