Kinezët janë sërish në frikë, për një rikthim të koronavirusit. Shifrat që janë përcjellë së fundmi nga autoritetet, kanë dëshmuar një realitet të trishtë. Numri i të infektuarve po njeh rritje.
Autoritetet shëndetësore kineze, kanë raportuar për 27 raste të reja të koronavirusit në vend, përfshirë 17 të importuara.
Dje, qyteti i Wuhan-it, epiqendra e shpërthimit të koronavirusit, ka rishikuar numrin e infeksioneve dhe vdekjeve. Duke i rritur ato me 325 më shumë të infektuar për një total të ri prej 50.333 dhe duke shtuar gjithashtu 1.290 vdekje të tjera për një total të ri viktimash prej 3.869.
