Udhëheqësi i Koresë së Veriut, Kim Jong Un ka pranuar se vendi po përballet me vështirësitë e saj më të rënda, duke pranuar kështu si rrallëherë dështimin, gjatë një takimi të Partisë së Punëtorëve.
Diktatori po përballet me atë që duket të jetë kriza më e ashpër e qeverisjes së tij 9-vjeçare pasi ekonomia tashmë e trazuar është goditur nga pandemia e koronavirusit, një valë e katastrofave natyrore verën e kaluar dhe sanksione të vazhdueshme të udhëhequra nga SHBA.
Gjatë kongresit të partisë, Kim i përshkroi vështirësitë si “më të vështirat ndonjëherë”. Kim Jong Un urdhëroi gjithashtu mbikëqyrje më të ashpër ligjore për të mbështetur planet e tij të zhvillimit dhe për të zhdukur akte të ndryshme të paligjshme të lidhura me ekonominë, thanë të enjten media shtetërore, ndërsa ai punon për të shpëtuar ekonominë.
Muajin e kaluar, ai pranoi që planet e mëparshme ekonomike kishin dështuar dhe njoftoi një plan të ri pesë-vjeçar të zhvillimit midis mbylljeve të kufijve të lidhura me pandeminë që kanë ulur ndjeshëm tregtinë e jashtme të Veriut.
