Lideri i Koresë së Veriut ka nxjerrë së fundmi një urdhër për dorëzimin për ushqim të të gjithë qenve që mbahen në shtëpi nga qytetarët.
Ky vendim absurd i tij ka ardhur si pasojë e mangësisë së ushqimit në vend. Sipas Daily Mail, Kim Jong-un është shprehur se zotërimi i një kafshe shtëpiake është kundra ligjit dhe se mbajtja e një qeni në shtëpi është “tendencë e ideologjisë borgjeze”.
“Autoritetet po identifikojnë shtëpitë që kanë një qen dhe po i detyrojnë t’i dorëzojnë, ose i konfiskojnë me forcë për t’i vrarë. Disa prej qenve dërgohen në kopshtet shtetërore zoologjike dhe të tjerë u shiten restoranteve”, tha një burim për rrjetin koreano-jugor Chosun Ilbo.
Raporti i fundit nga OKB, tregoi se 60% e popullatës së Koresë së Veriut përballet me mangësi të theksuara ushqimi. Gjendja është përkeqësuar nga sanksionet prej programit raketor të vendit.
Mishi i qenit preferohet më shumë në sezonin e nxehtë veror dhe besohet se jep energji e forcë. Ai shërbehet shpesh me supë pikante ose i zjerë në gjellë perimesh.
‘Chosun Ilbo’ raporton se tashmë zotëruesit e qenve shtëpiakë duhet të zbatojnë urdhrin e liderit suprem, i cili kishte lejuar mbajtjen e kafshëve shtëpiake prej fillimit të viteve 1990.
Mangësitë e ushqimit në vend janë shfaqur që prej mbylljes së kufirit me Kinën prej koronavirusit. Veriu u godit gjithashtu nga disa katastrofa natyrore vitin e shkuar, që sollën përmbytje dhe dëme në bujqësi.
Pse rrogat rriten në letra, por varfëria rritet në realitet?
