Frika nga koronavirusi duket se ka përfshirë edhe Korenë e Veriut. Megjithëse, raportimet janë të pakta dhe deri tani nuk ka pasur asnjë rast të konfirmuar, shteti ka marrë masa për parandalimin e koronavirusit, madje disa prej masave janë edhe më të rënda se pasojat e virusit.
Sipas CNN, dje Kim Jong Un ekzekutoi një zyrtar të lartë pasi nuk respektoi rregullat e karantinës. Ai kishte përdorur një tualet publik gjatë një vizite në KInë.
Ai u qëllua me breshëri, pasi diktatori Kim Jong Un i trembej faktit se zyrtari i lartë mund të ishte prekur nga virusi gjatë kohës që përdori banjon.
Teksa bota po përpiqet t’i shërojë të prekurit, Koreja si gjithnjë ka zgjidhje më të thjeshtë, i vret.
Sipas informacioneve që raporton CNN, zyrtari i lartë kishte udhëtuar në Kinë bashke me Kim Jong-un.
Ai ka injoruar kërcënimin e diktatorit mbi pasojat dhe aplikimin e ligjit ushtarak në rast se përbën rrezik për përhapjen e virusit dhe e ka paguar me jetë.
