Kreu i Partisë Demokratike, Lulzim Basha ka reaguar pas Këshilli i Evropës tërhoqi vëzhguesit nga zgjedhjet vendore. Në një deklaratë për shtyp, Basha tha se ky veprim është distancim i qartë nga votimi njëpartiak që kërkon të bëjë Rama.
Basha akuzoi kryeministrin se po tenton një grusht shteti, ndërsa tha se zgjedhjet janë nul dhe se opozita është ‘në këmbë’ për të mbrojtur kushtetutën e demokracinë.
Fjala e Bashës:
Këshilli i Europës është institucioni kryesor i monitorimit të zgjedhjeve vendore në Evropë. Tërheqja e saj është distancimi i qartë nga votimi njëpartiak që kërkon të bëjë Edi Rama. Në Shqipëri nuk ka dhe nuk ka për të pasur zgjedhje të lira e të ndershme për sa kohë Rama dhe bandat e tij nuk dalin para drejtësisë.
Votimet e 30 qershorit janë nul, janë zero. Janë tentative për grusht shteti.
Opozita dhe qytetarët janë në këmbë në mbrojtje të Kushtetutës e demokracisë, nuk do lejojmë votime të paligjshme e farsë. Nuk do lejojmë që Rama t’i shkojë deri në fund planit të tij kriminal për të mbajtur me dhunë pushtetin. Ne do t’i dalim zot Shqipërisë, kushtetutës, demokracisë.
Ju siguroj se fundi i Ramës është pranë, bashkë kemi mundësitë ta zgjedhim vendin nga gremina sepse ne jemi shumica.
