Siç e dimë, e gjithë historia ka ecur në mënyrë lineare. Ajo ka pasur momente dramatike, që e kanë ndryshuar përgjithmonë qytetërimin tonë. Ndërsa në pjesën më të madhe, është karakterizuar nga periudha kohore kur nuk ndodhi absolutisht asgjë. Ja cilët janë 10 vitet, ngjarjet e të cilave kanë formësuar dhe diktuar botën që njohim sot:
2001
Sulmet e 11 Shtatorit në SHBA, e ndryshuan botën njëherë e mirë. Nëse përfshijmë pushtimin e Irakut në vitin 2003, “lufta kundër terrorizmit” hodhi rrënjët për shumicën (nëse mos të gjitha) konfliktet që ka sot Lindja e Mesme. Mbështetja popullore për ISIS-in, buroi direkt nga tensionet sektare të shkaktuara nga qeveria, që pasoi rrëzimin e Sadam Huseinin në Irak.
1848
Njihet për valën e revolucioneve, që tronditën Evropën dhe jo vetëm. Në disa vende, ky vit u njoh Pranvera e Popujve, Pranvera e Kombeve ose Viti i Revolucionit. Ishte hera e parë që ideja e shtetit-komb, zuri rrënjë në ndërgjegjen popullore, pasi drejtohej direkt kundër perandorive më të mëdha të kohës.
1918
Ky vit mbahet mend për fundin e Luftës së Dytë Botërore, që i dha fund 4 perandorive më me ndikim në histori: gjermane, austro-hungareze, osmane dhe ruse, dhe shënoi fillimin e epokës moderne. Pasojat e luftës, krijuan idenë moderne të shtetit-komb. Një tjetër ngjarje me rëndësi ishte Gripi Spanjoll, që infektoi rreth një të tretën e popullsisë së botës, dhe vrau të paktën 50 milion njerëz.
1962
Atë vit u mbajt mbledhja e dytë e Këshillit të Vatikanit. E para kishte ndodhur rreth 100 vjet më parë. Rreth 2.500 peshkopë u thirrën në Bazilikën e Shën Pjetrit për 4 seanca diskutimesh. Synimi ishte të ripërcaktohej vendi i Kishës në një botë moderne, pas luftes dhe në epokën postkoloniale. Këshilli propagangoi vëllazërimin brenda besimeve, dhe lejoi përdorimin e gjuhëve të ndryshme nga latinishtja gjatë meshave.
1953
Shkencëtarët arritën të kuptonin se ADN-ja është e strukturuar si një spirale e dyfishtë. Të gjitha përparimet gjenetike të viteve të fundit, si dhe potenciali për bebet e klonuara në laborator, bazohen në zbulimin e Xhejms Uotson dhe Frensis Krik. Së bashku me Koris Uolkins, ata fituan atë vit Çmimin Nobel për Mjekësi.
1990
Nis të funksionojë për herë të parë World Wide Web, me një shfletues për të hyrë në të. Pra kishte lindur interneti, që sot ka një zhvillim të jashtëzakonshëm. Ndërkohë ngjarje të tjera të rëndësishme ishin ribashkimi i Gjermanisë, dhe Lufta e Gjirit Persik, ku koalicioni i drejtuar nga SHBA-ja mposhti Irakun e Sadam Huseinit.
1789
I njohur si një nga ngjarjet më të mëdha në historinë njerëzore, Revolucioni Francez ishte fillimi i demokracisë moderne, dhe shërbeu si një ngjarje përcaktuese për idetë bashkëkohore të lirisë. Revolucioni hodhi themelet e republikës moderne, bashkë me ndarjet tipike mes të majtës dhe të djathtës.
1905
Ishte fillimi i përparimit shkencor më të rëndësishëm deri më sot: Teoria e Relativitetit e Albert Ajnshtajnit, që u pasua nga botimi i vitit 1915 i Teorisë së tij të Përgjithshme të Relativitetit. Ajnshtajni ishte personi i parë në histori, që dëshmoi se ligjet e fizikës nuk janë absolute. Përkundrazi, ato varen nga pozicioni i dikujt në hapësirë dhe kohë. Ky zbulim është në rrënjë të shumë prej shpikjeve të sotme.
1945
Disa historianë, e përcaktojnë si fillimin e historisë bashkëkohore. Teksa lufta po mbaronte, Britania donte që SHBA-ja të çlironte sa më shumë territore evropiane. Ishte e qartë që ajo që nuk merrej nga aleatët, do të përfundonte në duart e sovjetikëve. Ndaj Uashingtoni e mbështeti shumë Evropën Perënndimor, dhe dërgoi aty aq trupa sa të ishte e nevojshme për të fituar një luftë të mundshme. Në fund e fitoi edhe Luftën e Ftohtë.
1979
Ngjarje e rëndësishme e atij viti ishte pushtimi sovjetik i Afganistanit. Lufta gati 10-vjeçare, nuk do të përshpejtonte vetëm fundin e BRSS, dhe rënien globale të komunizmit. Ajo shënoi edhe lindjen e versionit modern të terrorizmit islamik. 1979-a ishte gjithashtu viti i Revolucionit Iranian, që i cili hapi rrugën themelimit të Republikës Islamike. Po atë vit në Britani u ngjit në pushtet Margaret Theçër, politikat konservatore të së cilës, do të frymëzonin lëvizje të ngjashme në mbarë botën.
TIRANA TODAY
