Monika Lubonja u eleminua në “PRIME”-n e fundit. Gjatë qendrimit në shtëpi, shumë është komentuar nga mediat rozë në lidhje me pagën e saj.
Lubonja ishte e punësuar në Bashkinë Tiranë dhe merrte një pagë prej 114 mijë lekësh të reja. Në kohën që u bënë publike të dhënat, nuk pati asnjë reagim nga ana e Bashkisë Tiranë.
Monika Lubonja ka deklaruar se ka 4 muaj që nuk është paguar. Aktorja e cila ishte pjesë e “Big Brother VIP”, tha sot në emisionin “Shqipëria LIVE” se ka kërkuar vetë që ti ndërpritej paga.
“Kam kërkuar të më ndërpritet paga, ndaj nuk jam paguar për 4 muaj. Edhe sot që jam me juve, jam e pa paguar dhe kjo mund të vërtetohet lehtësisht dhe kjo është fatkeqësia e opinionit që marrin diçka, e sjellin dhe e japin bruto”, tha Monika.
