Këshilltari ligjor i Presidentit, Ilir Meta, ka dalë del në konferencë urgjente, teksa në Gjykatën Kushtetuese është ndërprerë seanca ku shqyrtohet kërkesa e Kuvendit për shkarkimin e Kreut të Shtetit. Bledar Dervishaj, ka dalë në një deklaratë për mediat, për të zbardhur atë çfarë kishte ndodhur në seancën në Gjykatën Kushtetuese, lidhur me provat e reja që Kuvendi ka depozituar për të rrëzuar pretendimet e Presidencës.
“Në seancën e orës 10:00, i kërkuam Gjykates Kushtetuese, kemi kundërshtuar vërtetësinë e një prove të depozituar nga Kuvendi në datën 4 shkurt 2022, i cili i përcjell GJK, sipas Kuvendit disa prova shtesë ku përfshihet dhe urdhri 5.5 2021 i kryetarit të Kuvendit.
Rendi i ditës ka përplasje me urdhrin e kryetarit të Kuvendit që ka të bëjë me mbledhjen e seancës në 7.5 2021, ditën qe Kuvendi do miratonte ngritjen e Komisionit Hetimor dhe raportin e Komisionit të Ligjeve.
Gjatë shqyrtimit të këtyre provave na rezultoi se me përmbajtjen e praktikës së dërguar nga Kuvendi dhe praktikën e publikuar online nga vetë Kuvendi, na rezulton ndërhyrje apo manipulim prove të depozituar nga Kuvendi, Gjykatës ia parashtruam në mënyrë të detajuar.
Urdhri që Kuvendi i depozitoi si provë GJK mban datën 5.5.2021, për mbledhjen e Kuvendit në seancë, ndërkohë që sipas urdhrit të publikuar në faqen e Kuvendit, mban datën 6.5 e jo 5.5.2021. Kjo është ndërhyrja e parë.
Kjo ndërhyrje bëhet për të rrëzuar pretendimin e Presidentit për shkeljet që kishim konstatuar për caktimin seancës plenare. Ndërhyje ka dhe te pika 20 e këtij urdhri”, tha Dervishaj.
