Ka përfunduar pas 2 orë e 30 minutash mbledhja e Këshillit Politik. Përfaqësuesi i Partisë Socialiste, Damian Gjiknuri, tha se opozita duke mos pranuar modelin, tallet hapur me shqiptarët.
Kryetari i Këshillit Politik, Damian Gjiknuri, deklaroi se opozita e bashkuar me propozimin e saj të fundit për të ruajtur koalicionet siç janë sot, ka për qëllim të bllokojë procesin zgjedhor. Gjiknuri i propozoi opozitës së bashkuar t’i referohet një modeli të vetëm në Europë, të marrë përkufizimin e tyre për koalicionet dhe një gjë e tillë do pranohet nga mazhoranca.
“Kemi pasur debate. Ishte dhe z. Murrizi. Bëmë një propozim duke marrë parasysh ndryshimet kushtetuese. I propozuam që të vijnë me një variant të tyrin që bazohet nga një vend europian. Dhe nëse nuk e pranojmë shkojmë tek OSBE. Duan të shkaktojnë vakum ligjor.
Kompromis do të thotë ta gjesh në disa modele. Flasim gjithë ditën për standartet europiane, i kemi thënë na gjej një vend që e ka kështu si ne. Por nuk ka. Epo të imponosh konsensus është tallje. I thamë heqim këtë pikë dhe hajde diskutojmë për pragun dhe modelin e hapjes së listave”.
