Ministri në detyrë për Evropën dhe Punët e Jashtme, Gent Cakaj ka marrë sot pjesë në mbledhjen e organizuar nga Presidenca e Estonisë e Këshillit të Sigurimit.
Mbledhja në fjalë u mbajt për të diskutuar zhvillimet politike, 75 vite pas mbarimit të ‘Luftës së Dytë Botërore’.
Gjatë fjalës së tij, Cakaj nënvizoi jo vetëm kontributin historik të Shqipërisë në mposhtjen e forcave nazi-fashiste, por edhe kontributin e sotëm në shërbim të paqes, sigurisë dhe lirive e të drejtave themelore në botë.
“Si kryesuese e OSBE-së, Shqipëria ka dëshmuar aftësinë e saj për kryerjen e suksesshme të përgjegjësive të jashtëzakonshme ndërkombëtare. Mbi këtë bazë, angazhimi ynë është i pakursyer për të siguruar ulësen e anëtarit jo të përhershëm të Këshillit të Sigurimit 2022-2023”, tha ai.
