Këshilli Bashkiak i Durrësit, ka zyrtarizuar emërimin e Emirjana Sakos, për kryerjen e funksioneve të kryetarit të kësaj Bashkie, për shkak të dorëheqjes së Zhuljen Varfajt. Ky i fundit i cili ishte kryetari i komanduar i Bashkisë së Durrësit, është dorëhequr për arsye shëndetësore.
Emirjana Sako u propozua nga dy grupet e Këshillit Bashkiak, dhe u miratua me unanimitet. Tashmë Sako është kryetare e Bashkisë së Durrësit.
Njoftimi i dorëheqjes
Sot me dt 23.04.2020, Unë Zhuljen Ago Varfaj,
Me detyrë Zëvendës Kryetar i Bashkisë Durrës i emëruar me vendim të Këshillit Bashkiak Durrës nr-dt- për të ushtruar detyrat si dhe funksionet e Kryetarit të Bashkisë së Durrësit, i gjendur para një situate krejtësisht të pafavorshme, madje me rrezik të shtuar për shëndetin tim, parashtroj dhe jap dorëheqjen time të parevokueshme nga detyra dhe funksionet e ngarkuara.
Do të dëshiroja të falenderoja dhe të vlerësoja me mirënjohje Këshillin Bashkiak të Durrësit për besimin dhe mbështetjen e dhënë nga çdo anëtar i tij, bashkëpunëtore e bashkëpunëtorë të mi të administratës së Bashkisë Durrës, që në këtë periudhë të vështirësive të mëdha për Durrësin kanë dhënë dhe bërë më të mirën e tyre në zgjidhjen e shumë problematikave dhe kërkesave të qytetarëve të Durrësit”.
