Policia e Shtetit ka zbardhur plagosjen me armë zjarri që ka ndodhur sapo ka zbardhur dita, në fshatin Remas të Lushnjes. Mësohet se forcat speciale RENEA kanë ushtruar kontrolle në disa shtëpi, një ndër to edhe të shtetasit me inicialet H.L, 77-vjeç.
Informacioni që dispononte policia ishte se këtë banesë, strehoheshin dy shtetas të dyshuar si autorë vrasjesh. Në çastin që policia ka bërë rrethimin e banesës, 70-vjeçari nuk i është përgjigjur thirrjes, por ka dalë në dritare me një armë gjahu.
Policia ka qëlluar në ajër, duke i bërë thirrje përsëri shtetasit H.L., për të dalë nga banesa. Po kështu burime zyrtare bëjnë me dije se në rrethana ende të paqarta, shtetasi H.L., është dëmtuar në kokë, dhe ndodhet në spital jashtë rrezikut për jetën.
“Në zbatim të planit operacional për kapjen e personave me rrezikshmëri të lartë shoqërore, për veprën penale të vrasjes, forcat speciale RENEA.
Rreth orës 05.30 kanë ushtruar disa kontrolle banesash në fshatin Remas të Lushnjes.
Ndër to edhe banesën e shtetasit H.L., 77-vjeç, pasi disponohej informacion se në këtë banesë strehoheshin dy shtetas, të dyshuar si autorë vrasjesh.
Në momentin që policia ka bërë rrethimin e banesës dhe konform gjithë procedurave standarde të ndërhyrjes, shtetasi H.L., nuk i është përgjigjur thirrjes së policisë, por ka dalë në dritare me një armë në dorë (rezultoi armë gjahu).
Ndodhur në këto kushte, policia ka qëlluar në ajër, duke i bërë thirrje përsëri shtetasit H.L., për të dalë nga banesa.
Në rrethana ende të paqarta, shtetasi H.L., është dëmtuar në kokë dhe ndodhet në spital jashtë rrezikut për jetën. Eksperti mjeko-ligjor po punon për përcaktimin e shkakut të dëmtimit dhe rrethanat”.
