Ministria e Punëve të Jashtme të Kosovës vendosi që t’ia ndalojë hyrjen në Kosovë zyrtarëve serbë, si pasojë e kërcënimeve dhe inskenimeve në veri të vendit.
Ky vendim ka çuar në reagimin e kreut të diplomacisë serbe, Ivica Dacic, i cili në një prononcim për “Novosti.rs” është shprehur se ky vendim është një shuplakë për BE-në. Dacic e konsideron këtë vendim të autoriteteve kosovare si të pashembullt dhe si një goditje tjetër ndaj Bashkimit Evropian, e Bashkësisë Ndërkombëtare, e jo ndaj Serbisë.
“Ky vendim i autoriteteve të Prishtinës është një veprim i paparë dhe një shuplakë tjetër, jo për Beogradin, por mbi të gjitha për BE-në dhe bashkësinë ndërkombëtare që pa dyshim janë duke heshtur ndaj shkeljeve të të gjitha normave të qytetërimit që Ramush Haradinaj e Hashim Thaçi po e bëjnë me vite të tërë”, tha Dacic.
Sipas Lajmi.net, Dacic është shprehur se vendimi i MPJ-së kërkon të izolojë popullin serb, nga çdo ndikim i Beogradit,
