Deputetja Rudina Hajdari duket se është përjashtuar nga nënkomisionet për Reformën Zgjedhore, pasi në mbledhjen e parashikuar të mbahet të enjten, emri i saj nuk figuron në asnjë nga grupet që do të krijohen.
Por pavarësisht kësaj, bëhet me dije se Hajdari do të vijojë të mbetet pjesë e komisionit, edhe pse nuk i është caktuar asnjë detyrë e re. Deputetja e opozitës parlamentare do të mbajë pozicionin e bashkëkryetares, së bashku me Damian Gjiknurin.
Rendi i ditës:
Konstituimi dhe raportimi i grupeve të punës;
Prezantimi i paketës së parë që adreson rekomandimet e ODIHRit për fushatën zgjedhore, kuotat gjinore, financimin e fushatës, regjistrimin e subjekteve dhe abuzimin e administrës.
Gjithashtu, me porosi të bashkëkryetarëve grupet e punës të takohen të mërkurën për të diskutuar.
Grupet e punës si vijon:
Sistemi zgjedhor:
Damian Gjiknuri & Bashkim Fino
Myslim Murrizi & Nimet Musaj
Financimi i partive politike:
Blerina Gjylameti & Klotilda Ferhati
Arben Elezi & Ralf Gjoni
Emigrantët:
Alket Hyseni & Adnor Shameti
Korab Lita & Adriatik Alimadhi
