Kreu i Gjykatës së Lartë, Xhezair Zaganjori, ka qenë sot në Komisionin e Pavarur të Apelimit, pas vendimin të Komisionerit Publik për të apeluar vendimin e KPK-së për kalimin e Vettingut. Në një deklaratë për mediat, Zaganjori u shpreh se ai është treguar bashkëpunues, dhe ka bërë të pamundurën për të gjetur dokumentet e kërkuara nga ana e KPK-së. Ai tha se sot ka dorëzuar edhe 10 dokumente të reja, krahas 20 të tjerave që ka depozituar më herët.
“Unë u përpoqa të bëj më të mirën sot, paraqita edhe 10 dokumente të tjera. Kam paguar çdo detyrim tatimor ndaj shtetit. Trupa gjyqësore u tërhoq për shqyrtim”, tha Zaganjori.
Ai është pyetur edhe lidhur me çështjen e Gjykatës së Lartë, teksa u shpreh se zgjedhja e 4 anëtarëve të rinj do t’i jepte frymëmarrje situatës.
Referuar Reformën në Drejtësi, dhe për dokumentet që i kërkohen nga vitet ’60, kreu i Gjykatës së Lartë tha se disa herë kalohen edhe caqet në dokumentet që kërkohen.
“Unë përpiqem që të bëj më të mirën, ndonjëherë kalohen edhe caqet, sa do të merren parasysh kjo varet nga trupa gjyqësore”, u shpreh më tej ai.
