Reagimi në kohë i policisë ka bërë të mundur të parandalojë një ngjarje, e cila me gjasë mund të përfundonte me viktima. Një shtetase ka njoftuar policinë se vëllai i saj në Rrashbull, kishte mbyllur në banesë dhe po kërcënonte me thikë të atin.
Nga të dhënat paraprake të policisë, mësohet se shtetasi me inicialet S.Z. (pretendohet me probleme të shëndetit mendor), kishte mbyllur në një prej dhomave të banesës të atin e tij (të verbër), duke e kërcënuar me levë hekuri e thikë për ta vrarë.
Policia më tej ka negociuar me 35-vjeçarin që të lironte të atin, por ai nuk i është bindur, dhe ka qëlluar me levë të atin. Uniformat blu kanë neutralizuar autorin, i cili ka tentuar të qëllojë përsëri të atin me thikë për ta vrarë.
NJOFTIMI
Telefonata në “112” dhe reagimi në kohë i policisë parandalon një ngjarje të rëndë në familje ku djali kërcënonte me thikë se do vriste të atin.
Ndërhyrja profesionale e Forcave të Policisë bëjnë të mundur neutralizimin dhe arrestimin e autorit.
Në Sallën Operative të DVP Durrës, ka ardhur një telefonatë nga një shtetase se vëllai i saj në Rrashbull kishte mbyllur në banesë dhe po kërcënonte me thikë të atin.
Shërbimet e Policisë kanë shkuar menjëherë në adresën e dhënë ku kanë konstatuar se shtetasi S.Z. (pretendohet me probleme të shëndetit mendor) kishte mbyllur në një prej dhomave të banesës të atin e tij (të verbër) duke e kërcënuar me levë hekuri e thikë për ta vrarë.
Policia ka negociuar më shtetasin S.Z që të lironte të atin, por ai nuk i është bindur Policisë dhe ka qëlluar me levë të atin. Policia ka ndërhyrë me profesionalizëm duke neutralizuar autorin i cili ka tentuar të qëllojë përsëri të atin me thikë për ta vrarë.
Nga ana e uniformave blu të dëmtuarit, shtetasit S.Z., 66 vjeç, iu dha ndihma e parë duke e dërguar në ambientet e Spitalit Rajonal Durrës për kontroll më të specializuar i cili ndodhet jashtë rrezikut për jetën.
Autori, shtetasi S.Z., 35 vjeç është person me precedentë penal të mëparshëm i dënuar për ” Dhunë në familje”.
