Policia e Shkodrës ka arrestuar në flagrancë një 23-vjeçar, i cili ka përndjekur dhe ka kanosur me armë një shtetase me inicialet A.G. Bëhet fjalë për shtetasin Besnik Hyseni, 23-vjeç, banues në Vushtri, Kosovë, i cili ka hyrë në mesnatë në banesën e shtetases A.G. Besnik Hyseni ka qenë i armatosur, por falë reagimit të shpejtë të policisë, është bërë e mundur prangosja e tij.
“Arrestimi i tij u bë pasi rreth orës 02:00, ka hyrë me një armë zjarri tip pistoletë në oborrin e banesës së shtetases A. G., e cila ka telefonuar policinë, dhe falë reagimit të shpejtë të policisë, është arrestuar në flagrancë brenda banesës së shtetases së lartpërmendur, ku ju gjet edhe arma e zjarrit pistoletë tip Zastava, e cila u sekuestrua në cilësinë e provës materiale.
Materialet procedurale iu referuan Prokurorisë Pranë Gjykatës së Shkallës së Parë Shkodër, për veprat penale “Përndjekja” dhe “Prodhimi dhe mbajtja pa leje e armëve luftarake dhe e municionit”.
