Presidenti i Republikës, Ilir Meta ka reaguar në lidhje me denoncimin e bërë nga kandidati në Fier i Partisë Aleanca Demokracia e Re, Andi Turhanaj.
Meta bëri thirrje që mbrohen denoncuesit e krimeve zgjedhore dhe që të vijojë me transparencë të plotë procesi deri në rinumërimin e votës së fundit të sovranit.
”Të mbrohen denoncuesit e krimeve zgjedhore! Të vazhdojë procesi me transparencë të plotë deri në rinumërimin e votës së fundit të Sovranit!’’, shkruan Meta në rrjetin social, Facebook.
Çfarë denoconcoi Andi Turhanaj?
Turhanaj ka kryer kallëzim penal në Fier, për shkak të një kërcënimi të ardhur në drejtim të tij.
Ai ka deklaruar se mesditen e së premtes, pasi ishte shprehur se ia janë vjedhur votat, e kanë kërcënuar dy persona, të cilët e kanë paralajmëruar të heqë dorë nga pretendimi.
“Pas numërimit të votave, shumë vota tonat ishin bërë abstenim. Deklarova se kësaj gjëjë do i shkoja dëri në fund sepse isha i bindur për njerëzit që më mbështëtën. Prapa pallatit më prisnin dy persona. Njëri ishte mrapa, tjetri mu afrua dhe më tha ‘hiq dore ose do të të zhdukim’, pastaj më shanë dhe ofenduan”, tha Turhanaj.
