Imami Fehim Dragusha nga Kosova do të largohet nga Zvicra ku ka jetuar prej 10 vitesh, për shkak të akuzave për dhunë fizike ndaj ish-gruas së tij.
Gjykata Federale në Zvicër e ka dënuar atë, pasi akuzohet se ka ushtruar dhunë fizike dhe seksuale ndaj ish-bashkëshortes së tij nga Singapori.
Imami i ka mohuar këto akuza duke e çuar çështjen për ankimim në Gjykatën e Strasburgut. Dragusha është shprehur se do që ta vuajë dënimin në Zvicër dhe jo të kthehet në Kosovë, por kërkesa e tij nuk është marrë parasysh
“Pas vendimit të Gjykatës Federale, unë duhet ta lëshoj Zvicrën derisa kjo çështje të përfundoj në Gjykatën e Strasburgut, për të parë nga afër realitetin se ku ka gabuar Gjykata Federale e Zvicrës, duke mos pasur asnjë padi në Polici dhe duke mos qenë nën hetime, ata pa të drejtë lëshuan vendimin se unë kinse kam rrahur dhe keqtrajtuar ish-gruan time”, është shprehur Imami.
Sipas Dragushës, çështja e tij është e politizuar duke këmbëngulur se ai nuk ka kryer veprat për të cilat akuzohet.
