Një incident i rëndë ka ndodhur paraditen e sotme në qytetin e Durrësit. Për shkak të erës, një pemë palme është shkëputur nga vendi dhe ka rënë mbi qytetarët. Ngjarja ka ndodhur në bulevardin kryesor, në atë që njihet si sheshi “Azem Hajdari”.
Si pasojë e goditjes në momentin e rënies së njërës prej degëve kanë mbetur të plagosur dy persona kalimtarë të rastit. Bëhet me dije se dy burrat që janë plagosur kanë pasur dëmtime të rënda me pasojë gjakderdhje. Ata janë fashuar me mjete rrethanore nga qytetarët.
Të plagosurit janë dërguar në spital për ndihmë mjekësore.
