Keni plane për fundjavë? Ja çfarë parashikojnë meteorologët

Të gjithë padyshim që jemi të interesuar se si do të jetë moti, sidomos kur bëhet fjalë për fundjavën. Dy ditët e pushimit na gjejnë shpesh pranë familjareve, të afërmve apo dhe miqve. Fundjava nga shumica prej nesh shfrytëzohet për të pushuar dhe çlodhur. Kështu që për nesër dhe pasnesër “Meteoalb Albania”, ka publikuar parashikimin e motit ku thuhet se:
E SHTUNE: Paraditja dominohet nga kthjellimet përjashtuar zonat kufitare Lindore ku do ketë vranësira kalimtare. Mesdita sjell mot të kthjellët në territor, kushte që vijojnë edhe gjatë natës. Temperaturat sjellin një rënie të lehtë në mëngjes por rritje e lehtë pritet në mesditë, në ultësirën perëndimore.
E DIEL: Vijon dominimi i kthjellimeve në deri pas mesditës kur shfaqen vranësira në Veri e gradualisht në gjithë vendin. Pasditja vijon me kthjellime e vranësira kalimtare në Jug dhe pjesërisht në Qendër ndërsa vranësira të dendura do ketë në zonat Veriore – Lindore; kthjellime e vranësira të herë pas hershme mbeten prezente edhe gjatë orëve të natës. Temperaturat ruajnë vlera konstante në mëngjes por 1 – 2°C rritje do pësojnë vlerat e mesditës.