Për të gjithë ata persona të cilët kanë bërë plane për të shkuar në plazh, sot është një ditë ideale, pasi temperaturat do të jenë në favorin tuaj. Sipas Meteoalb, Shqipëria do të paraqitet me mot të kthjellët, dhe vranësira kalimtare.
Më të theksuara do të jenë gjatë pasdites, në ekstremet veri dhe verilindje, ku priten rrebeshe afatshkurtër shiu.
Në mbrëmje do të jenë prezente në pjesën më të madhe të territorit shqiptar.
Temperaturat do të rriten lehtë në orët e para të ditës, por mbeten konstante në mesditë, duke ruajtur maksimumin në 33 gradë Celsius.
Era do të fryjë mesatare deri e fortë me shpejtësi 45 km/h në drejtimin verilindor, duke shkaktuar në det dallgëzim 2 ballë.
