Në kuadër të kërkesë-llogarisë, ministri i Brendshëm, Sandër Lleshaj ka zhvilluar një takim në Himarë me disa prej drejtuesve të institucioneve vendore. Pjesë e takimit mësohet të kenë qenë Prefekti i Qarku Vlorë, Kryetari Bashkisë së këtij qyteti, drejtues të policisë etj.
Lleshaj e ka komentuar me nota të ashpra punën e bërë nga institucionet kompetente në këtë zonë. Ai u shpreh se përgatitjet për sezonin turistik janë shumë pas, teksa i ka tërhequr vëmendjen atyre se për shkak të mungesës së kontrolleve në plazhe, kanë lënë të zaptohet territori në Himarë.
Pjesë nga fjala e ministrit Lleshaj:
Çfarë do të ishte më keq këtë sezon veror nëse nuk do të ishit ju prezentë?? Kjo pyetje drejtuar çdo institucioni përkatës në Himarë.
Përgatitjet për sezonin veror janë shumë pas, arsyen përse janë pas duhet ta dimë nga juve? Zgjedhjet nuk kanë ndikuar aspak tek përgatitjet për sezonin sepse zgjedhjet ndikojnë tek kryetari jo tek ju.
Keni lënë të zaptohet territori në Himarë, si rrjedhojë e mungesës së shtuar të kontrolleve të plazheve. Deri më tani nuk keni mbyllur asnjë subjekt, janë më shumë se 20 subjekte pa leje në Himarë të cilat kanë zaptuar tokën dhe deri më tani nuk keni mbyllur asgjë. Kjo do të thotë se keni lënë të zabtohen territoret.
