Dita e shtunë dhe e diel do të dominohet nga vranësira dhe reshje shiu. Sinoptikanët parashikojnë ulje të temperaturave, prandaj nëse keni bërë plane për plazh këtë fundjavë mbase do të duhet t’i anuloni.
Parashikimi i meteoalb
“E SHTUNE: paraditja dominohet nga kthjellimet në pjesën më të madhe të vendit por pasditja sjell vranësira kalimtare në zonat Veriore – Qendrore. Orët e natës sjellin një sistem me vranësira e shira fillimisht në veriperëndim e gradualisht në gjithë vendin.
E DIEL: Veriu – Qendra dominohen nga vranësira e shira deri në mesditë kur shirat zhvendosen kryesisht drejt Jugut. Pasditja fuqizon vranësirat e shirat në Qendër të vendit por shira më të pakët do të ketë në zonat Veriore – Jugore. Mbrëmja përmirëson gradualisht kushtet atmosferike por vranësirat mbeten prezente.
TABLOJA TEMRIKE: E shtuna sjell rritje të lehtë në vlerat termike të mesditës por e diela sjell një rënie të theksuar në të dy vlerat ekstremale ditore”, thuhet në parashikimin e metereoalb.
