Këngëtarja me famë botërore, Rita Ora ka rrëfyer gjatë një interviste për “Cosmopolitan” të gjitha peripecitë që i është dashur të kalojë për të arritur suksesin që ka krijuar sot.
Ajo ishte vetëm 16-vjeçe kur nënshkroi kontratën e saj të parë muzikore. Mirëpo, pas disa kohësh, këngëtares me origjinë shqiptare i thanë se kontrata me të do të ndërpritet, për shkak të moshës së saj të vogël, dhe që nuk dinte ende se çfarë muzike dëshironte të luante.
“Ata më pyetën se pse nuk këndoja asnjë këngë pop. Pas skenave, kishte shumë problem politike, të cilat unë nuk i dija që ekzistonin dhe që ma bënë shumë të vështirë të isha vetvetja dhe të luftoja për muzikën që do të doja të bëja.
“Kam bërë albume të cilat ju nuk i keni dëgjuar kurrë dhe me siguri nuk do t’i dëgjoni. Kjo sepse në disa momente dhe kohë të ndryshme, njerëzit me të cilët punoja më thoshin: Kjo nuk është e mirë, kjo nuk është mjaftueshëm, kjo nuk do të ecë. Bëra çfarë ishte e mundur që të gjithë të më shihnin, i thoja atyre: Nuk keni për të më hequr qafe, nuk do ta keni të lehtë. Arrita që t’i bëja të kuptonin se nuk do të hiqja dorë nga ëndrra ime”, tregoi Rita Ora.
