Mbrëmjen e kaluar këngëtarja e njohur Era Rusi ishte e ftuar në emisionin “E diell”, ku foli ndër të tjera edhe për jetën e saj personale. Era për herë të parë tregoi publikisht se ish-partneri i saj e ka tradhtuar dhe këngëtarja e ka marrë vesh nëpërmjet një mesazhi në telefonin e tij.
Meqenëse telefoni i saj ishte djegur, siç tregoi vetë Era, asaj iu desh që të përdorte atë të partnerit për t’u marrë vesh me kolegët. Padashur, kishte harruar make up-et në makinë dhe i kërkon atij të zbresë dhe të shkojë t’ia marrë, duke i kërkuar edhe t’i lëri telefonin e tij.
“Në atë moment vjen një mesazh “faleminderit”. Nuk kishte asnjë pyetje, vetëm përgjigje. Kur u ngjit lart, unë nuk e ngacmova, e lashë telefonin në tavolinë dhe nuk u ndjeva fare. Kur arritëm afër vendit ja mora përsëri telefonin që të kontaktoja me miqtë dhe atëherë pashë që ai mesazh ishte fshirë. Ishin të gjitha mesazhet e tjera, por ai jo. Tani, mund të më thuash ti pse u fshi ai mesazh?” – tregoi Era.
