Këngëtarja Teuta Kurti, ka zbuluar në emisionin “Vizioni i Pasdites” se shkak për shkëputjen e gjatë nga skena ka qenë ardhja në jetë e binjakëve.
Teksa rrëfeu se nuk është e lehtë të kujdesesh për ta gjatë karantinës, kjo u dëshmua edhe live, kur këngëtares iu desh të shkonte në tualet për të përfunduar lidhjen skype.
Ajo tha se ardhja në jetë e binjakëve dhe përkushtimi ndaj tyre, e ka detyruar që të jetë larg skenës. Po kështu ajo ka shtuar se kur vendosi që të krijonte familje, ka dashur që ti përkushtohet me kohë të plotë atyre.
“Ardhja në jetë e binjakëve, përkushtimi ndaj tyre, më ka bërë t’i largohem skenës. Shumica më thonë ‘nuk je e vetmja që ke bërë fëmijë’. Është shumë e vërtetë.
Por kur vendosa të krijoj familje, kam dashur t’i përkushtohem vetëm saj. Vitet që rriten fëmijët nuk kthehen, ndërsa paraqitjet në skenë janë të shumta”, u shpreh këngëtarja, nënë e tre fëmijëve.
