Finalja e Champions Leaague do të rrëmbejë vëmendjen e gjithë botës, duke parë superndeshjen që premton spektakël të jashtëzakonshëm. Por në Kiev të Ukrainës nuk do tërheqë vëmendjen vetëm futbolli, por edhe ceremonia hapëse ku nuk do të mungojë edhe një performacë e këngëtares shqiptare me famë botërore.
Në fakt, njoftimi zyrtar pritet të bëhet më 8 maj, kur të mësohen të gjitha detajet e ceremonisë hapëse të etapës së fundit të kompeticionit prestigjioz për klube në Europë, edhe pse për shqipfolësit andej e këtej kufirit nuk mbetet asgjë surprizë.
Dua Lipa, këngëtarja e famshme me origjinë nga Kosova do të jetë e ftuara e nderit të kësaj ceremonie, ku pritet të performojë disa nga hitet e saj më të ndjekura në botë.
Ka qenë vet UEFA, që përmes llogarisë zyrtare në Twitter fton ndjekësit të “zbulojnë” enigmën e personazhit të përfshirë në një videoklip të shkurtër, që mban kolonën zanore të hitit “New Rules” të Dua Lipës.
“Një tjetër artist me famë botërore do të zërë vend në skenën e finales prestigjioze të këtij edicionit të Champions League, të prezantuar nga Pepsi. A mund ta gjeni dot?”, shkruhet në statusin e UEFA-s.
