Një këngëtare meksikane u qëllua për vdekje nga bashkëshorti i saj në një restorant në Mexico City, njoftuan autoritetet lokale të premten. Yrma Lydia, 21 vjeç, e cila sapo kishte filluar karrierën e saj në muzikë, u qëllua të enjten mbrëma në restorantin Suntory Del Valle në jug të qytetit, kur u sulmua nga partneri i saj, 79-vjeçari Jesús Hernández Alcocer.
“Një burrë qëlloi tre herë gruan e tij, ai tashmë është i arrestuar së bashku me një grua tjetër që e shoqëronte”, tha Omar García Harfuch, Sekretari i Sigurisë për Mexico City.
Sipas dëshmitarëve, pas një debati, një burrë ka qëlluar këngëtaren, e cila rezultoi se ishte gruaja e tij.
Alcocer u përpoq të korruptonte policinë për ta lënë të arratisej nën shoqërinë e një prej rojeve të tij të sigurisë, i cili gjithashtu u arrestua.
Sipas gazetës El Universal, Lydia kishte marrë pjesë në disa prezantime të Grandiosas 12, një seri koncertesh në Meksikë dhe Shtetet e Bashkuara që mbledh së bashku këngëtarë të njohur të Amerikës Qendrore dhe Jugore, si María Conchita Alonso dhe Alicia Villareal. Alcocer ishte akuzuar më parë për zhvatje.
Dhuna gjinore është intensifikuar në Meksikë vitet e fundit me një mesatare prej 10 grave të vrarë çdo ditë.
Burimi i lajmit: dailymail. Përshtatur nga Tirana Today
