Një këngëtar i famshëm i operës në Kinë vijon të censurohet rregullisht në internet, për shkak të ngjashmërisë që ai ka me presidentin e vendit.
Sipas mediave kineze, Liu Keqing, 63 vjeç, është përballur shumë herë me këtë problem në rrjetet sociale.
Kina njihet për mbrojtjen e madhe që i bën figurës së Xi Jinping. Sipas Daily Mail, qeveria kineze ka censuruar më parë një figurë të animuar, kur përdoruesit e internetit kishin filluar ta krahasonin atë me kreun e shtetit.
Këngëtari publikoi një video në muajin maj, duke pretenduar se llogaria e tij në Douyin është censuruar me arsyetimin se ka bërë shkelje të imazhit.
Keqing tha se i ka dorëzuar materialet e identifikimit dhe është duke pritur për aprovim të llogarisë. Ai theksoi se llogaria i është bllokuar tri herë.
