Në një hark kohor të shkurtër, dy ngjarje, njëra pas tjetrës, duket kanë tronditur sërish marrëdhëniet turko-greke.
Gjatë ditës së djeshme Presidenti turk Rexhep Taip Erdogan deklaroi se Turqia do të jetë më agresive në detin Egje, aty ku avionët luftarakë turq rregullisht thyejnë hapësirën ajrore dhe ku anijet luftarake turke mbajnë larg kompanitë e huaja që tentojnë të këkojnë naftë e gaz pranë Qipros.
Si të merrte një përgjigje flakë për flakë, dje në mbrëmje (e diel), rreth 50 qytetarë grekë, të maskuar dhe në prani të policisë, flakën disa bomba “Molotov”, në drejtim të Konsullatës turke në Selanik. Policia ndërhyri menjëherë më pas duke spastruar zonën nga protestuesit, por pa arrestuar ndonjë prej tyre.
Kaq mjaftoi gjithsesi, që ministria e Jashtme e Turqisë t’u tërhiqte vëmendjen autoriteteve greke për sigurimin e jetës dhe garantimin e kushteve të punës diplomatëve e punonjësve të tjerë turq në Greqi.
Duhet theksuar se në aparencë marrëdhëniet politike mes Turqisë dhe Greqisë duken korrekte, ndërkohë që konflikti më i fundit mes dy shteteve ka lindur për shkak se turqit po kërkojnë për gaz në nëndetin e Qipros, që nuk e njohin si shtet më vete.
https://youtu.be/AnM0jbCK8oQ
Për këtë arsye deklarata e Erdogan se “Turqia ka pjesën e vet edhe në detin Egje” shton edhe më shumë tensionin pasi këtë radhë mund të merret jo vetëm si provokim, por edhe si paralajmërim për ndonjë tentativë turke për ekspansion edhe në këtë zonë.
Deti Egje është pothuaj i gjithi zonë ekskluzive greke për shkak se kufirin ujor e kanë përcaktuar ishujt grekë, që janë fare pranë brigjeve kontinentale turke.
Përktheu e përshtati TIRANA TODAY
