Kreu i Diplomacisë së Maqedonisë së Veriut, Nikolla Dimitrov në takimin që zhvilloi sot me ministrin gjerman Heiko Mass, i ka shprehur këtij të fundit aspiratën për anëtarësim në Bashkimin Evropian.
Sipas Dimitov, Maqedonia e Veriut ka marrë një sërë nismash të rëndësishme për t’u afruar me BE, ndaj ka kërkuar që t’i jepet fund pritjes. Ndërsa shton që këto nisma duhet të përkrahen nga vendet e BE-së.
“Ne kemi tre argumente se pse jemi të bindur se meritojmë të fillojmë procesin e anëtarësimit. E para, shumë gjatë kemi pritur. E dyta ne jemi vend kandidat tashmë 14 vite, ndërsa rekomandimin e parë nga Komisioni e morëm në vitin 2009. Pritja nuk është argument i mjaftueshëm. Ne jemi vend i cili ka kaluar në një krizë politike që kaloi ne autoritarizëm gjatë vitit 2015-2016, për dy vjet e gjysmë kemi bërë një kthim në demokraci.
Ne nuk jemi ende gati për të hyrë në BE, megjithatë nëse ka energji evropiane në liri dhe demokraci në Ballkan, kjo sigurisht që është në Maqedoninë e Veriut. Dhe e treta bëmë diçka që rrallë herë bëhet në Ballkan, zgjodhëm një çështje të “pazgjedhur”, çështjen e emrit me fqinjët. Nëse Bashkimi Evropian do të bëhet lojtarë global, atëherë nuk mundet të mos e vërej që një energji e tillë evropiane në Ballkan duhet të përkrahet”, ka thënë kreu i Diplomacisë maqedonase.
