Policia bën me dije se ka identifikuar të gjithë shtetasit që kanë hyrë kohët e fundit në Shqipëri nga vendet e prekura nga koronavirusi.
Siç ka njoftuar edhe më parë qeveria këta qytetarë duhet të vetëkarantinohen në shtëpitë e tyre, për 14 ditë për të frenuar përhapjen e mundshme të virusit vdekjeprurës.
Sipas policisë, të gjithë qytetarët e identifikuar do të telefonohen, duke i rikujtuar përmbushjen e detyrimit.
Njoftimi i policisë:
Policia e Shtetit ka identifikuar gjithë qytetarët që kanë hyrë ditët e fundit nga shtetet e prekura nga COVID-19.
Për të parandaluar përhapjen e virusit, këta qytetarë duhet të vetë-karantinohen për 2 javë.
Policia e Shtetit po telefonon çdonjërin nga këta qytetarë, duke u kujtuar përmbushjen e detyrimit, në të kundërt do të përballen me masa ligjore.
